हेही वाचा - भेटवस्तू नको, मंडलिकांना मत द्या; लोकसभा निवडणुकीसाठी थेट लग्नपत्रिकेतून आवाहन

नोव्हेंबर महिन्यात किरणोत्सवात अडथळे निर्माण झाले होते. ते अडथळे दूर करण्यात आले आहेत. त्यामुळे गुरूवारी पहिल्याच दिवशी सूर्याची किरणे मूर्तीच्या गळ्यापर्यंत पोहोचली होती. परंतु, आज ढगाळ वातावरण असल्याने किरणोत्सव पूर्ण क्षमतेने होऊ शकला नाही.

प्रत्येक वर्षातील नोव्हेंबर आणि जानेवारी किंवा फेब्रुवारी महिन्यात असे दोन वेळा अंबाबाई मंदिरात किरणोत्सव सोहळा पार पडतो. हा सोहळा पाहण्यासाठी भाविकांची मोठ्या प्रमाणात गर्दी होत असते. त्यामुळे, भाविकांची गैरसोय होऊ नये आणि किरणोत्सव पाहता यावा यासाठी यावर्षी पश्चिम महाराष्ट्र देवस्थान समितीतर्फे दोन ठिकाणी मोठ्या स्क्रीन लावण्यात आल्या आहेत. या किरणोत्सवानंतर अंबाबाईची आरती करण्यात आली.

हेही वाचा - अधिकारी आणि लोकप्रतिनिधींनी रंगवले गावातील शौचालयं ; वाचा सविस्तर