• A
  • A
  • A
बलात्काराचा गुन्हा असलेल्या आरोपीचे न्यायालय परिसरातून पलायन

बीड - दोन वर्षापूर्वी बलात्काराचा गुन्हा दाखल झालेल्या आरोपीला शनिवारी सुनावणीसाठी न्यायालयात आणले होते. त्यावेळी आरोपीने न्यायालय परिसरातून पलायन केल्याची घटना घडली आहे. याप्रकरणी पोलीस संबंधित आरोपीचा कसून शोध घेत आहेत. अनिल सुनिल पवार (वय २२) असे पळून गेलेल्या आरोपीचे नाव आहे.


हेही वाचा-मी आणलेल्या कामांची उद्घाटने करण्यासाठी राष्ट्रवादी काँग्रेसचा आटापिटा - पंकजा मुंडे
याबाबत सविस्तर माहिती अशी, दोन वर्षांपूर्वी बीड शहरातील शिंदे नगर परिसरात एका अल्पवयीन मुलीवर बलात्काराची घटना घडली होती. तेव्हापासून हा आरोपी कारागृहात होता, प्रत्येक वेळी सुनावणीसाठी त्याला न्यायालयात आणले जात होते. नेहमीप्रमाणेच शनिवारी सुनावणीसाठी बीड येथील सत्र न्यायालयात आणले असता पोलिसांच्या ताब्यातून हा आरोपी पळून गेला.
पोलिसांनी पथक तयार करून आरोपीचा शोध सुरू केला आहे. पोलीस निरीक्षक हंगे व २ महिला पोलीस कर्मचाऱ्यांनी त्याला न्यायालयात आणले होते. पळून गेलेल्या आरोपीवर 'पोक्सो' अंतर्गत गुन्हा दाखल झाला आहे.
हेही वाचा-बीडच्या अप्पर जिल्हाधिकाऱ्यांना ५ लाखांची लाच घेताना रंगेहात पकडले



CLOSE COMMENT

ADD COMMENT

To read stories offline: Download Eenaduindia app.

SECTIONS:

  मुख्‍य पान

  राज्य

  देश

  विदेश

  व्‍यापार

  गुन्‍हेवृत्त

  क्रीडा

  मनोरंजन

  इंद्रधनू

  मैत्रिण

  फोटो आणि व्हिडिओ

  भ्रमंती

  ગુજરાતી ન્યૂઝ

  اردو خبریں

  MAJOR CITIES