हेही वाचा- औरंगाबादच्या अतिसंवेदनशील भागात मंदिरातील दानपेटीची धाडसी चोरी
स्मार्ट सिटी योजनेंतर्गत शहर बस सेवा सुरू करण्याचा निर्णय महापालिकेने घेतला होता. त्यानुसार टाटा कंपनीकडून शंभर बस खरेदी करण्यात आल्या आहेत. बसची डिझाइन अंतिम झाल्यानंतर ७ डिसेंबरला कंपनीने पहिली बस शहरात पाठविली होती. ही बस विविध भागांत फिरवून शहर बस सेवेची प्रसिद्धी केली गेली. त्यानंतर २३ डिसेंबरला मुख्यमंत्री देवेंद्र फडणवीस, युवा सेनेचे प्रमुख आदित्य ठाकरे यांच्या हस्ते बस सेवेचा प्रारंभ केला जाणार होता. मात्र, मुख्यमंत्र्यांनी वेळ न दिल्याने आदित्य ठाकरे यांच्या हस्ते उद्घाटन समारंभ पार पाड्ण्यात आला.

हेही वाचा- औरंगाबादच्या एमजीएममधील विद्यार्थिनी आकांक्षा देशमुखच्या मारेकऱ्यास उत्तर प्रदेशमधून अटक
यावेळी आदित्य ठाकरे यांच्या हस्ते शंभर कोटींच्या रस्त्यांचे भूमिपूजनदेखील केले गेले. महापालिकेने क्रांती चौकातील जागा शहर बसच्या कार्यालयासाठी तात्पुरत्या स्वरूपात दिली आहे.