• A
  • A
  • A
શેલ્બી હૉસ્પિટલની સફળ સર્જરી, બે લીવરનું કર્યું ટ્રાન્સપ્લાન્ટ

અમદાવાદઃ દેશભરમાં મલ્ટી સ્પેશ્યાલિટી હૉસ્પિટલોનું સંચાલન કરતી શેલ્બી હૉસ્પિટલે એસ.જી. રોડ પરના એકમમાં જરૂરિયાત ધરાવતાં લોકોને લીવર ટ્રાન્સપ્લાન્ટ કરી જીવ બચાવી શકાય તે માટે સેન્ટર ફોર લીવર ડીસીઝ એન્ડ ટ્રાન્સપ્લાન્ટેશન (CLDT)સ્થાપ્યાની જાહેરાત કરી છે. હૉસ્પિટલ હવે મૃતદાતા, જીવંત ડૉનર તથા પુખ્ત તેમજ બાળકોને તાકીદની સ્થિતિમાં તમામ પ્રકારનાં લીવર ટ્રાન્સપ્લાન્ટની નિપુણતા ધરાવે છે.

સ્પોટ ફોટો


શેલ્બીની કુશળ ટીમે તાજેતરમાં સુરતના 80 વર્ષની ઉંમરના સૌથી વૃદ્ધ બ્રેઈન ડેડ વ્યક્તિના લીવરનું ટ્રાન્સપ્લાન્ટ કર્યું છે. આ લીવર ગ્રીન કોરિડોર મારફતે સુરતથી અમદાવાદ લાવવામાં આવ્યું હતું, જેના કારણે અમદાવાદમાં વસતા લીવરની ગંભીર હાલત ધરાવતા દર્દીને જીવનદાન મળ્યું છે. તો બીજી તરફ ઉદેપુરના કલ્યાણસિંહને આ સેન્ટર ખાતે લીવર દાતાનું લીવર ટ્રાન્સપ્લાન્ટ કરવામાં આવ્યું હતું. આ સર્જરીની આગેવાની ડૉ. આનંદ કે. ખખ્ખર અને ડૉ. વિનય કુમારન, ડૉ. ભાવિન વસાવડા, ડૉ. હાર્દિક પટેલની સહિતની ટીમ દ્વારા કરવામાં આવી હતી.
એક અહેવાલ મુજબ ભારતમાં દર વર્ષે 2,00,000 લોકો લીવરના રોગને કારણે મોતને ભેટે છે. એક અંદાજ મુજબ તેમાંથી 25 હજારથી 30 હજાર લોકોના જીવ લીવર ટ્રાન્સપ્લાન્ટ દ્વારા બચાવી શકાયા હોત. આમ છતાં ભારતમાં દર વર્ષે થતા લીવર ટ્રાન્સપ્લાન્ટસની સંખ્યા તેના 10માં ભાગ જેટલી જ છે.


જામનગરની એમ.પી. શાહ મેડિકલ કોલેજના ડૉ. આનંદ કે. ખખ્ખરે આ પ્રસંગે જણાવ્યું હતું કે "તાલિમ પામેલા ટ્રાન્સપ્લાન્ટ સર્જન્સના અભાવને કારણે ગુજરાતમાં લીવર ટ્રાન્સપ્લાન્ટેશનની પ્રક્રિયા ધીમી છે. અમદાવાદના જૂજ કેન્દ્રોમાં પ્રસંગોપાત લીવર ટ્રાન્સપ્લાન્ટ કરવામાં આવે છે, જેમાં મૃત્યુ પામેલા ડોનરના લીવરનો સમાવેશ થતો હોય છે. દિલ્હી અને ચેન્નાઈ જેવા કેન્દ્રોમાંથી સર્જન્સ આવીને ઓપરેશન કરી જાય છે. આવી પરિસ્થિતિમાં શેલ્બીની આ પહેલ ગુજરાતના લીવરના દર્દીઓ માટે આશિર્વાદ રૂપ બની રહેશે."

લીવર ટ્રાન્સપ્લાન્ટની જરૂરિયાત અંગે વાત કરતાં નવી દિલ્હીના મૌલાના આઝાદ મેડિકલ કોલેજના ડૉ. વિનય કુમારે જણાવ્યું હતું કે "આલ્કોહોલનો વપરાશ એ લીવરને નુકસાન કરનારા કારણોમાં નું એક છે. હિપેટાઈટીસ-બી અને સી પણ લીવર સિરોસીસ અને લીવરના કેન્સરનું કારણ બને છે. હકિકતમાં લીવરના ક્રોનિક રોગોનું કારણ હવે NASH (નૉન- આલ્કોહોલિક -સ્ટેટો- હિપેટાઈટીસ છે.) વધુમાં ડાયાબિટીસના નબળા નિયંત્રણને કારણે વધુ પડતા વજનથી પણ ફેટી લીવર વિકસે છે. બિન આરોગ્યપ્રદ આહાર અને અતિશય કાર્બોહાઈડ્રેટ (બીજા શબ્દોમાં કહીએ તો ચોક્કસ પ્રકારના ગુજરાતી આહાર) અને પૂરતી કસરત નહીં કરવાને કારણે લીવરના રોગો થાય છે. જો ફેટી લીવરનું નિદાન અને સારવાર ના થાય તો તે સિરોસીસમાં પરિણમે છે અને સિરોસીસ વિકસે તે પહેલાં લીવરના કેન્સરનું જોખમ રહે છે."

CLOSE COMMENT

ADD COMMENT

To read stories offline: Download Eenaduindia app.

SECTIONS:

  मुख्‍य पान

  राज्य

  देश

  विदेश

  व्‍यापार

  गुन्‍हेवृत्त

  क्रीडा

  मनोरंजन

  इंद्रधनू

  मैत्रिण

  फोटो आणि व्हिडिओ

  भ्रमंती

  ગુજરાતી ન્યૂઝ

  اردو خبریں

  MAJOR CITIES